ကို ဗစ်-၁၉ နဲ့ ဆက်စပ်နိုင်တဲ့ ရောဂါ ဆန်း တ မျိုးကြောင့် နယူးယောက် မှာကလေးတ ဦး သေဆုံး( တခုမပြီးသေးဘူး နောက်တခုလာပြီလား )

က မ္ဘာမှာ ကူးစက်ပြန့်ပွားနေတဲ့ ကိုရိုနာဗိုင်းရပ်စ်နဲ့ ဆက်စပ်နေတယ်လို့ ယူဆရတဲ့ ရောဂါဆန်းတမျိုးနဲ့ အသက် ၅ နှစ်အရွယ် ကလေးတဦး နယူးယောက်မြို့မှာ သေဆုံးသွားတာကြောင့် ကလေးတွေကို ဒီကူးစက်ရောဂါရဲ့ အန္တရာယ် အသစ်ထပ်တိုးလာတယ်လို့ နယူးယောက်ပြည်နယ် အုပ်ချုပ်ရေးမှူး Andrew Cuomo က ပြောပါတယ်။

ကလေးက ကြာသပတေးနေ့မှာပဲ ဆုံးသွားတာဖြစ်ပြီး နယူးယောက်တလွှား ဒီကလေးလို အလားတူဖြစ်နေတဲ့ ကလေး ၇၃ ယောက်ရဲ့ ရောဂါအခြေအနေကို စောင့်ကြည့်နေတယ်လို့ သူက ပြောပါတယ်။

ကလေးတွေက ကိုရိုနာဗိုင်းရပ်စ်ကြောင့်ဖြစ်တဲ့ ရောဂါလက္ခဏာနဲ့ Kawasaki ရောဂါတို့ရဲ့ လက္ခဏာတွေပြကြပြီး ကိုယ်ပူတာ၊ အသားတွေမှာ အနီပြင်တွေဖြစ်တာ၊ သိပ်ဆိုးရွားတဲ့ အခါတွေမှာ နှလုံးသွေးလွှတ်ကြောတွေ ရောင်ရမ်းတာတွေ ဖြစ်ပါတယ်။

ဒီလို ရောဂါလက္ခဏာတွေ ခံစားရတဲ့ ကလေးတွေလိုမျိုး ဗြိတိန်၊ စပိန်နဲ့ အီတလီတို့မှာလည်း ဖြစ်ပေမယ့် အမေရိကန်ပြည်ထောင်စုမှာ တနေရာတည်း ကလေးတွေ များများစားစား ဖြစ်ကြတာကို ဆရာဝန်တွေ ပြောလာကြတာပါ။

နယူးယောက်ပြည်နယ် အုပ်ချုပ်ရေးမှူး Andrew Cuomo ကတော့ “ဒီသတင်းက တကယ့်သတင်းဆိုးပါ။ ရောဂါရဲ့အန္တရာယ်ကို စာမျက်နှာသစ် ဖွင့်လိုက်သလိုပါပဲ။ ကလေးတွေကို ကိုဗစ်-၁၉ က သိပ်ဒုက္ခမပေးဘူးဆိုပြီး လူတွေ တော်တော်စိတ်အေးနေကြတာ” လို့ ပြောပါတယ်။

ကလေးတွေမှာ ကိုဗစ်-၁၉ ရောဂါ စဖြစ်ပြီး ရက်ပိုင်း ဒါမှမဟုတ် သီတင်းပတ်တွေကြာမှ ဒီလက္ခဏာတွေ ပြတာကြောင့် ကိုရိုနာဗိုင်းရပ်စ် လူတွေကို ကူးစက်ဒုက္ခပေးပုံက အံ့သြစရာပုံစံသစ် ဖြစ်ပါတယ်။

ဒါပေမယ့် ဒီရောဂါဖြစ်တဲ့ ကလေးတိုင်းမှာလည်း ကိုရိုနာဗိုင်းရပ်စ်ပိုးက တယောက်မကျန်မှာ ရှိနေတာမျိုး မဟုတ်တာကြောင့် ဒီရောဂါဆန်းနဲ့ ကိုရိုနာဗိုင်းရပ်စ်ပိုး ဆက်စပ်မစပ်ဆိုတာ သေချာအတည်ပြုနိုင်ဖို့ သိပ္ပံပညာရှင်တွေ ကြိုးစားနေကြဆဲ ဖြစ်ပါတယ်။

လေးစားစွာဖြင့် ခရစ်ဒက် –VOA Burmese News

Add a Comment

Your email address will not be published. Required fields are marked *