နော က် (၃) ရက်အတွင်း လေဖိ အားနည်းရပ် ဝန်းတစ်ခု ဖြစ်ပေါ်နိုင်ပြီး ဒေသ (၅) ခု မိုး ရွာမည်

ဘ င်္ဂလားပင်လယ်အော်တွင် နောက်သုံးရက်အတွင်း လေဖိအားနည်းရပ်ဝန်းတစ်ခု ဖြစ်လာနိုင်ပြီး ဒေသ (၅)ခု၌ မိုးရွာနိုင်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနက သတင်းထုတ်ပြန်ထားသည်။

မေလ ၁၀ ရက် နေ့လယ် တိုင်းတာချက်အရ ဘင်္ဂလားပင် လယ်အော် အရှေ့တောင်ပိုင်းနှင့် ကပ္ပလီပင်လယ်ပြင်တွင် နောက် ၇၂ နာရီအတွင်း လေဖိအားနည်း ရပ်ဝန်းတစ်ခု ဖြစ်ပေါ်နိုင်ကြောင်း သတင်းထုတ်ပြန်ထားသည်။

ထို့အပြင် လာမည့်နှစ်ရက်အတွင်းတွင် တနင်္သာရီတိုင်းဒေသကြီး၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် မိုးရွာနိုင်‌ကြောင်း သတိပေးထားသည်။

လေဖိအားနည်းရပ်ဝန်းဖြစ်နိုင်ဖွယ် သတိပေးထားစဉ် မေလ ၁၀ ရက်နေ့ ညနေက ရှမ်း၊ ကယားပြည်နယ်၊ စစ်ကိုင်း၊ မန္တလေးနှင့် ပဲခူးတိုင်းဒေသကြီးရှိ မြို့နယ် အချို့တွင် နေရာကွက်ကျား မိုးရွာကာ လေပြင်းတိုက်ခတ်ခဲ့ပြီး နေအိမ်များ ထိခိုက်ပျက်စီးခဲ့သည်။

ရမည်းသင်းမြို့တွင် မေလ ၆ ရက်က မိနစ်ပိုင်းသာကြာသော လေပြင်းကြောင့် မြို့လယ်ကောင်မှ ကြော်ငြာဆိုင်းဘုတ်များ၊ ဓာတ်တိုင်နှင့် သစ်ပင်များ ကျိုးကျခဲ့သည်။ ပျက်စီးမှုအခြေအနေကို ဌာနဆိုင်ရာ တာဝန်ရှိသူများက စိစစ်နေဆဲဖြစ်သည်။

မိတ္ထီလာမြို့နှင့် မန္တလေးမြို့တို့တွင် ယနေ့ မေလ ၁၁ ရက် လေပြင်းတိုက်ခတ်မှုကြောင့် ဓာတ်တိုင်များ၊ ကြော်ငြာဆိုင်းပုဒ်များ၊ သစ်ပင်များ လဲကျပျက်စီးခဲ့ပြီး နေအိမ်အချို့ ထိခိုက်ခဲ့သည်။

နေရာကွက် မိုးရွာသည့် ဒေသများပြားလာခြင်းကြောင့် အပူချိန်အနည်းငယ် ကျဆင်းလာသည်။ မေလ ၈ ရက်က အပူချိန် ၄၇ ဒသမ ၅ ဖြင့် အပူချိန်စံချိန်တင်ခဲ့သော ချောက်မြို့တွင် မေလ ၁၀ ရက်က အပူချိန် ၄၆ ဒသမ ၂ ဖြစ်ခဲ့သည်။

လက်ရှိကာလ ရာသီဥတု အခြေအနေသည် အပူချိန်မြင့် တက်ခြင်းအပြင် လေပြင်းနှင့် မိုးကြိုးဘေးကိုပါ သတိပြုရန် မိုးလေဝသနှင့် ဇလဗေဒညွှန်ကြားမှုဦးစီး ဌာန ညွှန်ကြားရေးမှူးချုပ် ဒေါက်တာကျော်မိုးဦးက တိုက်တွန်းထားသည်။

Add a Comment

Your email address will not be published. Required fields are marked *